మానస వీణ

దీపాల పండుగ వచ్చింది
వెలుగుని అంతట నింపింది
మూల మూలల్లో మూల్గుతు ఉన్న
చీకట్లను తరిమివేసింది

సందుగొందుల్లోను
ప్రతి ఇంతి ముందును
అక్కడ ఇక్కడ  ఎల్ల చోట్లను
కాంతి వెల్లువై పొంగింది
ఆనంద నృత్యం చేసింది

తన చిన్ని వెలుగుతో ఒకొక్క దివ్వె
తన చుట్టు నిశి కొంత మాయం చేసింది
చిన్ని వెలుగులన్ని కలిసేసరికి
చీకటి ఓడిపొయింది , దూరంగ పారిపోయింది

దివ్వె దివ్వె కలిసి దీపోత్సవం
మనసులెల్ల మురిసి మహోత్సవం
చేయి చేయి కలిపితె మనమందరం
నవ్వులన్ని కలిపి నవ్యోత్సవం