మానస వీణ

మెలమెల్లగ నను తాకి
సాగేటి చిరుగాలికి
తెలిసిందో ఏమో నా మాటా..

చలచల్లని తెమ్మరకు
తలలూపే తరులన్నీ
పాడాయి నా లోని పాటా..

నలనల్లని రాతిరిలో
నవ్వేటి చుక్కలకూ
ఆ పాట వినిపించిందంటా..

ఆ తారలు ఈ తరువులు
నను చుట్టిన తెమ్మెరలు
చెప్పమన్నాయి ఈ చిన్ని మాటా
నీ ఊసుల ఊయలలో
అతడెవరో అతడెవరో ..
నీ ఆశల లోగిలిలో
అతడెవరొ అతడెవరో ?

చిన్ని అందాల సొంతం
ఎదలో వసంతం

చేరి చిరుగాలి గీతం…
మదిలోని రాగం
లేత చిగురాకు లాస్యం…
నా కలల నాట్యం
అరుణ వర్ణాల సాయం…
లోలోని దీపం

చిన్ని అందాల సొంతం
ఎదలో వసంతం !

(తాన తానాన తాన … తన తాన తానా …)