ఎక్కడికో ఈ పరుగు
ఎందుకో తెలియదు,
నీ పిలుపు వినిపించుకోకుండా…
నాకు తెలుస్తూనే ఉంది,
నువ్వు పిలుస్తున్నావని.
ఒక్క క్షణం ఆగి చూస్తాను
కాని మనసంతా పరుగు మీదనే,
మళ్ళీ నాకు తెలియకుండానే పరుగు మొదలవుతుంది
ఇప్పుడు ఇలా నీ నుంచి పరుగెత్తినా
ఎప్పటికైనా మరలా నిన్ను కలవాలని వెనుదిరిగి చూస్తాను
అప్పటికి ఈ పరుగు నన్ను ఎంత దూరం చేరుస్తుందో…
నువ్వు కనుచూపు మేరలో కనిపిస్తావో లేదో…
